الاسترجاع
سياسة
الاسترجاع
آخر تحديث: 19 أكتوبر 2026
عشان تشترك وأنت متأكد، عندك تجربة مجانية قبل ما تدفع: الباقة الماسية 3 أيام، وكل بوتات ديسكورد تجربها في رومات «جرّب البوتات» بسيرفر دلّة. وبما إن خدماتنا رقمية وتتفعّل فوراً، الاسترجاع محدود بالحالات اللي تحت.
1. قبل ما تدفع: جرّب مجاناً
جرّب البوت قبل الشراء وتأكد إنه يناسبك. بالدفع أنت تأكد إنك جرّبت أو اطلعت على المزايا، وإن الخدمة تبدأ مباشرة بعد الدفع.
2. اشتراكات دلّة (بوت البث)
- خلال 48 ساعة من الدفع وما اشتغل البوت على أي بث بعد الدفع نهائياً: يرجع لك المبلغ بعد خصم رسوم بوابة الدفع.
- إذا اشتغل البوت على بثك بعد الدفع، ولو مرة، ما فيه استرجاع والاشتراك يكمل لنهاية مدته.
3. بوتات ديسكورد (عائلة دلّة)
ينطبق على دلّة برو، دلّة حارس، دلّة تذاكر، دلّة بنك، دلّة ألعاب، دلّة سحوبات، وباقة المجتمع. كل اشتراك مربوط بسيرفر واحد تختاره وقت الشراء ويتفعّل تلقائياً.
- خلال 48 ساعة من الدفع وما أضفت البوت لسيرفرك أبداً: يرجع لك المبلغ بعد خصم رسوم بوابة الدفع.
- بعد ما ينضاف البوت للسيرفر ما فيه استرجاع، لأن الخدمة بدأت.
- سيرفر غلط: ما فيه استرجاع، بس ننقل الاشتراك للسيرفر الصح مرة وحدة مجاناً لو طلبت خلال 48 ساعة.
- باقة المجتمع: تُعامل كباقة وحدة، وما نرجّع جزء منها مقابل بوت واحد.
- طرد البوت أو شيل صلاحياته أو حذف السيرفر أو إيقافه من ديسكورد ما يعطي حق استرجاع.
4. لو صار عطل من عندنا
- لو الخدمة وقفت عندك بسبب مشكلة من طرفنا، نصلحها ونعوّضك بأيام إضافية على اشتراكك تساوي مدة التوقف.
- لو ما قدرنا نصلحها خلال 72 ساعة من بلاغك، يرجع لك مبلغ الأيام المتبقية من اشتراكك بدون خصم رسوم.
- الأعطال العامة في المنصات نفسها (تويتش، ديسكورد…) أو تغييرها لأنظمتها ما تُعتبر عطل من عندنا، ونعوّضها بالأيام لو طوّلت.
5. ما فيه استرجاع في هذي الحالات
- بعد مرور 48 ساعة من الدفع، أو بعد استخدام الخدمة المدفوعة.
- التجديد والتمديد لاشتراك شغّال.
- الأيام المتبقية من اشتراك شغّال (إلا في حالة العطل من عندنا فوق).
- مفاتيح التفعيل (DLH / DLB) بعد ما تنستخدم.
- الحسابات أو السيرفرات اللي توقفت بسبب مخالفة الشروط.
- تغيير رأيك بعد الاستخدام، أو عدم معرفتك بطريقة الاستخدام (الدعم موجود يساعدك).
- طلب استرجاع سبق لنفس الحساب: الاسترجاع مرة وحدة لكل حساب.
6. الدفع المكرر أو المبلغ الغلط
لو انسحب منك المبلغ مرتين، أو دفعت ولا تفعّل اشتراكك، نرجّع المبلغ الزايد كامل أو نفعّل اشتراكك — بدون أي خصم.
7. ما فيه تجديد تلقائي
ما نسحب من بطاقتك أي مبلغ بدون ما تدفع بنفسك. كل اشتراك ينتهي لحاله في آخر مدته.
8. كيف تطلب الاسترجاع
- افتح تذكرة من لوحتك ← الدعم، أو راسلنا على supportdallahbot@gmail.com.
- اكتب إيميل حسابك، وتاريخ الدفع، والباقة أو البوت (واسم السيرفر لو بوت ديسكورد)، وسبب الطلب.
- نرد عليك خلال يومي عمل بالموافقة أو بالسبب.
9. بعد الموافقة
- يرجع المبلغ على نفس طريقة الدفع، ويوصلك عادة خلال 5 إلى 14 يوم عمل حسب البنك.
- رسوم بوابة الدفع ما تنسترجع من البوابة، فتنخصم من المبلغ (إلا في العطل من عندنا والدفع المكرر).
- الاشتراك أو البوت المرتبط بالمبلغ يوقف أول ما يتم الاسترجاع.
10. التواصل
أي سؤال عن الاسترجاع: supportdallahbot@gmail.com أو من صفحة تواصل معنا.